........राजस्थानी !!
एक एक नै क्यूं बतानी पड़े
क थांरी भासा राजस्थानी !
थे उठो थे जागो अब
थांरो फरज राजस्थानी !
निज घर में निज रै थाने
क्यूं अणजाणी है राजस्थान?
मना मना र बात मनवावां
ऐड ी थारै संताना राजस्थानी !
डूंगर री कांई बात करां
पगां नीचली बळै राजस्थानी !
पण सदा न यूं रेसी जी
अब समै बदलै है राजस्थानी !
रीढहीनां है वे लिजलिजा प्राणी
जिका थनै कुरावे राजस्थानी !
चोटी सूं अेक वार आइजै नीचै
ईसो इज समै है राजस्थानी !
वो इज पोछो उठै थरपीजै
चोखो समै है आवै राजस्थानी!
.......किरण राजपुरोहित नितिला
गुरुवार, 29 जुलाई 2010
शनिवार, 17 जुलाई 2010
इक कसक....
इक कसक....
दोस्त दोस्त नी रेवे तो कांइ
उणने दुस्मन मान लां?
ठाडी ठाडी दोस्ती निबाहता
बरस गुजार लां?
उजर है थांरी केइ बातां सूं
तो ओळमो दे दूं?
नानकी सी इक वात सारु
दोस्त गुमा द्यूं!!!
सागे सागे हा पण मन सूं मन
रा आंतरा घणा
थे मानो, म्हे नी मानूं क
दोस्त दुनिया में मोकळा
सोध र देख ल्यो
यद म्हार सो इक इ लाधे
सागे हा हर काज में
एक अेहम सूं अळगा होया
म्हे तो भूलगी पण
थे अकड़ र हो बैठ्या
ओ इज करनो हो तो सुणो
इक वात म्हारी सुणजो
मनै तो ठीक है पण
दूजां पर रैहम करजो
...............किरण राजपुरोहित नितिला
दोस्त दोस्त नी रेवे तो कांइ
उणने दुस्मन मान लां?
ठाडी ठाडी दोस्ती निबाहता
बरस गुजार लां?
उजर है थांरी केइ बातां सूं
तो ओळमो दे दूं?
नानकी सी इक वात सारु
दोस्त गुमा द्यूं!!!
सागे सागे हा पण मन सूं मन
रा आंतरा घणा
थे मानो, म्हे नी मानूं क
दोस्त दुनिया में मोकळा
सोध र देख ल्यो
यद म्हार सो इक इ लाधे
सागे हा हर काज में
एक अेहम सूं अळगा होया
म्हे तो भूलगी पण
थे अकड़ र हो बैठ्या
ओ इज करनो हो तो सुणो
इक वात म्हारी सुणजो
मनै तो ठीक है पण
दूजां पर रैहम करजो
...............किरण राजपुरोहित नितिला
रविवार, 4 जुलाई 2010
बना ओ बेगी बेगी जोई रज री बाट
राजस्थान में ब्याव बिना गीतां रे पूरा नी व्है ।ओ कैवां तो घणो सही है क कोई भी उछब तीज.तिवांर ,झडूलो, सगाई, सीख. बधावणो ,देवी देवता, हर मौके रे जोग रसीळी रागां में गीत मौजूद है । इण में हरजस, भजन , रातीजोगा रा गीत, बना..बनी रा गीत, दिनूंगै रा गीत अर केई तरै रा गीत सामिल है। ब्याव रै मौके हर रीत रै गीतां रे सागै बना इ गाइजै जिका ब्याव में खासो उछाव भर दै । इण बना रै भंडार में सूं एक ओ बनो है ....
बना ओ बेगी बेगी जोई रज री बाट
बना ओ बेगी बेगी जोई रज री बाट
मोड़ा ओ किस विध आविया जी म्हारा राज
बनी गयो थो जोशीजी रे पास
लगन लिखाविया जी म्हारा राज
बना ओ लगन लिखावै थारां बाबोसा
भंवर चिंता क्यूं करो जी म्हारा राज
बना ओ मेष अंधारी रात
गळयां मे डरपो एकला जी म्हारा राज
ना ए बनी नाइजी रो बेटो रज रे साथ
चरागां रो चांनणो जी म्हारा राज ॥
बना ओ बेगी बेगी जोइ रज री बाट
मोड़ा किस विध आविया जी म्हारा राज
बनी गयो थो सिरोया रे हाट
चुड लो चिरावियो जी म्हारा राज
बना ओ चुड लो चिरावै थारां काकोसा
भंवर चिंता क्यूं करोजी म्हारा राज
बना..........राज॥
बना ओ बेगी बेगी जोइ रज री बाट
मोड़ा किस विध आविया जी म्हारा राज
बनी गयो थो पाटुड़ा रे हाट
पडलो मोलाविया जी म्हारा राज
बना ओ पडलो मोलावै थारां मामोसा
भंवर चिंता क्यूं करो जी म्हारा राज
बना......राज॥
बना ओ बेगी बेगी जोइ रज री बाट
मोड़ा ओ किस विध आविया जी म्हारा राज
बनी गयो मोचिया रे हाट
मोजरियां मोलाविया जी म्हारा राज
बना ओ मोजरियां मोलावे थारां वीरोसा
भंवर चिंता क्यूं करोजी म्हारा राज
बना........राज ॥
बना ओ बेगी बेगी जोइ रज री बाट
मोड़ा ओ किस विध आविया जी म्हारा राज
बनी गयो थो बजाजी रे हाट
वरियां मोलाविया जी म्हारा राज
बना ओ वरियां मोलावे थारां जीजोसा
भंवर चिंता क्यूं करो जी म्हारा राज
बना ओ मेष अंधारी रात
सैंरा में डरपो एकला जी म्हारा राज
ना ए बनी नाईजी रो बेटो म्हारे साथ
चरागां रो चांनणो जी म्हारा राज ॥
बना ओ बेगी बेगी जोई रज री बाट
बना ओ बेगी बेगी जोई रज री बाट
मोड़ा ओ किस विध आविया जी म्हारा राज
बनी गयो थो जोशीजी रे पास
लगन लिखाविया जी म्हारा राज
बना ओ लगन लिखावै थारां बाबोसा
भंवर चिंता क्यूं करो जी म्हारा राज
बना ओ मेष अंधारी रात
गळयां मे डरपो एकला जी म्हारा राज
ना ए बनी नाइजी रो बेटो रज रे साथ
चरागां रो चांनणो जी म्हारा राज ॥
बना ओ बेगी बेगी जोइ रज री बाट
मोड़ा किस विध आविया जी म्हारा राज
बनी गयो थो सिरोया रे हाट
चुड लो चिरावियो जी म्हारा राज
बना ओ चुड लो चिरावै थारां काकोसा
भंवर चिंता क्यूं करोजी म्हारा राज
बना..........राज॥
बना ओ बेगी बेगी जोइ रज री बाट
मोड़ा किस विध आविया जी म्हारा राज
बनी गयो थो पाटुड़ा रे हाट
पडलो मोलाविया जी म्हारा राज
बना ओ पडलो मोलावै थारां मामोसा
भंवर चिंता क्यूं करो जी म्हारा राज
बना......राज॥
बना ओ बेगी बेगी जोइ रज री बाट
मोड़ा ओ किस विध आविया जी म्हारा राज
बनी गयो मोचिया रे हाट
मोजरियां मोलाविया जी म्हारा राज
बना ओ मोजरियां मोलावे थारां वीरोसा
भंवर चिंता क्यूं करोजी म्हारा राज
बना........राज ॥
बना ओ बेगी बेगी जोइ रज री बाट
मोड़ा ओ किस विध आविया जी म्हारा राज
बनी गयो थो बजाजी रे हाट
वरियां मोलाविया जी म्हारा राज
बना ओ वरियां मोलावे थारां जीजोसा
भंवर चिंता क्यूं करो जी म्हारा राज
बना ओ मेष अंधारी रात
सैंरा में डरपो एकला जी म्हारा राज
ना ए बनी नाईजी रो बेटो म्हारे साथ
चरागां रो चांनणो जी म्हारा राज ॥
शुक्रवार, 2 जुलाई 2010
राणी भटियाणी जी रो गीत
कुलदेवी रे रातीजोगा में गाइजण वाळो माजीसा राणी भटियाणी जी रो गीत जिको मनै घणो सोवणो लागै। घणो मीठो गीत है ओ।
थनै रे सिलावट रा बेटा माजीसा बुलावै
मकराणे री मूरत घड़नै हाजिर होइजे रै
जाणो जसोल में
जाणो जसोल में मां राणी भटियाणी रो परचो भारी रै
जाणो जसोल में ॥
थनै रे माळीजी रा बेटा माजीसा बुलावै
फुलड ा री छाबां लेने हाजिर होइजै रे
जाणो.............जसोल में ॥
थनै रे ढोलीजी रा बेटा माजीसा बुलावै
ढोल नै नगाड ा लेने हाजिर होइजै रे
जाणो...........जसोल में ॥
थनै रे गांधीड ै रा बेटा माजीसा बुलावै
अंतरिया री सीसी लेने हाजिर होइजै रे
जाणो .........जसोल में॥
थनै रे कुम्हारी रा बेटा माजीसा बुलावै
कुंभ नै कळच्च लेने हाजिर होइजै रे
जाणो .........जसोल में ॥
थनै रे नाईजी रा बेटा माजीसा बुलावै
धूंप नै धूंपेड ो लेने हाजिर होइजै रे
जाणो.........जसोल में॥
थनै रे कन्दोया रा बेटा माजीसा बुलावै
घेवरियां री छाबां लेने हाजिर होइजै रे
जाणो.........जसोल में ॥
थनै रे दरजी रा बेटा माजीसा बुलावै
पोसाकां री जोड लेने हाजिर होइजै रे
जाणो ..........जसोल में ॥
थनै रे मोचीड ै रा बेटा माजीसा बुलावै
मोजरियां री जोड लेने हाजिर होइजै रे
जाणो जसोल में
जाणो जसोल में मां मोतियां वाळी रो परचो भारी रे
जाणो जसोल में ॥
थनै रे सिलावट रा बेटा माजीसा बुलावै
मकराणे री मूरत घड़नै हाजिर होइजे रै
जाणो जसोल में
जाणो जसोल में मां राणी भटियाणी रो परचो भारी रै
जाणो जसोल में ॥
थनै रे माळीजी रा बेटा माजीसा बुलावै
फुलड ा री छाबां लेने हाजिर होइजै रे
जाणो.............जसोल में ॥
थनै रे ढोलीजी रा बेटा माजीसा बुलावै
ढोल नै नगाड ा लेने हाजिर होइजै रे
जाणो...........जसोल में ॥
थनै रे गांधीड ै रा बेटा माजीसा बुलावै
अंतरिया री सीसी लेने हाजिर होइजै रे
जाणो .........जसोल में॥
थनै रे कुम्हारी रा बेटा माजीसा बुलावै
कुंभ नै कळच्च लेने हाजिर होइजै रे
जाणो .........जसोल में ॥
थनै रे नाईजी रा बेटा माजीसा बुलावै
धूंप नै धूंपेड ो लेने हाजिर होइजै रे
जाणो.........जसोल में॥
थनै रे कन्दोया रा बेटा माजीसा बुलावै
घेवरियां री छाबां लेने हाजिर होइजै रे
जाणो.........जसोल में ॥
थनै रे दरजी रा बेटा माजीसा बुलावै
पोसाकां री जोड लेने हाजिर होइजै रे
जाणो ..........जसोल में ॥
थनै रे मोचीड ै रा बेटा माजीसा बुलावै
मोजरियां री जोड लेने हाजिर होइजै रे
जाणो जसोल में
जाणो जसोल में मां मोतियां वाळी रो परचो भारी रे
जाणो जसोल में ॥
सदस्यता लें
संदेश (Atom)