शुक्रवार, 2 जुलाई 2010

राणी भटियाणी जी रो गीत

कुलदेवी रे रातीजोगा में गाइजण वाळो माजीसा राणी भटियाणी जी रो गीत जिको मनै घणो सोवणो लागै।  घणो मीठो गीत है ओ।

थनै रे सिलावट रा बेटा माजीसा बुलावै
मकराणे री मूरत घड़नै हाजिर होइजे रै
जाणो जसोल में
जाणो जसोल में मां राणी भटियाणी रो परचो भारी रै
जाणो जसोल में ॥
थनै रे माळीजी रा बेटा माजीसा बुलावै
फुलड ा री छाबां लेने हाजिर होइजै रे
जाणो.............जसोल में ॥
थनै रे ढोलीजी रा बेटा  माजीसा बुलावै
ढोल नै नगाड ा लेने हाजिर होइजै रे
जाणो...........जसोल में ॥
थनै रे गांधीड ै रा बेटा माजीसा बुलावै
अंतरिया री सीसी लेने हाजिर होइजै रे
जाणो .........जसोल में॥
थनै रे कुम्हारी रा बेटा माजीसा बुलावै
कुंभ नै कळच्च  लेने हाजिर होइजै रे
जाणो .........जसोल में ॥
थनै रे नाईजी रा बेटा माजीसा बुलावै
धूंप नै धूंपेड ो लेने हाजिर होइजै रे
जाणो.........जसोल में॥
थनै रे कन्दोया रा बेटा माजीसा बुलावै
घेवरियां री छाबां लेने हाजिर होइजै रे
जाणो.........जसोल में ॥
थनै रे दरजी रा बेटा माजीसा बुलावै
पोसाकां री जोड  लेने हाजिर होइजै रे
जाणो ..........जसोल में ॥
थनै रे मोचीड ै रा बेटा माजीसा बुलावै
मोजरियां री जोड  लेने हाजिर होइजै रे
जाणो जसोल में
जाणो जसोल में मां मोतियां वाळी रो परचो भारी रे
जाणो जसोल में ॥

5 टिप्‍पणियां:

  1. सोवणो है गीत

    राम राम

    कृपया शब्द पुष्टिकरण हटाएं।

    इसे हटाने की प्रक्रिया इस प्रकार है।

    डेशबोर्ड से सेटिंग में जाएं
    फ़िर टिप्पणी में
    और इसके बाद शब्द पु्ष्टिकरण नहीं पर
    क्लिक करके सेव कर दें।

    जवाब देंहटाएं
  2. जय हो.. जोधपुर की याद दिला दी...

    जवाब देंहटाएं
  3. bahut hi badiya kiranji. aise geet kabhi kabhar sunane ko hi milate hain padane ke liye uplabdh karwane ke liye dhanywad.

    जवाब देंहटाएं