वीरोसा उंची चढी नै नीची उतरुं जी
वीरोसा जोउं म्हारा जामण जाया री बाट जी
ओ जामण रा जाया
वारि ओ फुलड़ा रा भारा
इणने ओसरिये वेगा आवजो
1 वीरोसा चुदड़ी ओढुंला घर री दामां री
वीरोसा कड़ुम्बा में राखूं थारी सोभा ओ
जामण रा जाया
वारि ओ म्हारा उगन्ता सूरज
इणने ओसरिये वेगा आवजो।।
2 वीरोसा चुड़लो पैरुंला घर रै दामां रो
वीरोसा देराणियां जेठाणियां में सोभा जी थांरी
जामण रा जाया
वारि ओ फुलड़ा रा भारा
इणने ओसरिये वेगा आवजो।।
3 वीरोसा मायरो पैरुंला घर रै दामां रो
वीरोसा भरिये हाथां में सोभा थांरी ओ
जामण रा जाया
वारि ओ उगन्ता सूरज
इणने ओसरिये वेगा आवजो।।
संदेश
bahut hi badiya. mahilaon dwara vishesh mokon par gaye jane wale geeton ko aap jo sab tak pahuncha rahi hain bahut hi umda prayash hai. badhai.
जवाब देंहटाएं